جاتلي دعوة لحضور المؤتمر الأول لثقافة المواطن المصري طبعا المؤتمر مش في الشيراتون ولا في الأنتر كونتننتال
ده كان في القهوة اللي على ناصية شارعنا وحبيت انكم تشاركوني جدول اعمال المؤتمر
المشاركون
الأستاذ و عضو حزب الأغلبية
الأستاذ ش معارض نص ونص
الأستاذ د شاري دماغه من زمان
العبد لله جاي المؤتمر غلط
جدول اعمال المؤتمر
انفلونزا الخنازير
ش: شفت اللي حاصل في البلد البلد كلها مرعوبة دا انا جاي مع سواق تاكسي لقيته حاطط فوطة على وشه
د: وايه يعني ماهو انت لسه مختش الشاور بتاعك
انا : لا هوا قصده على انفلونزا الخنازير
د : اه
ش: بيقولك الأكل بره دلوقتي مش مضمون
د: يا عم الجوع كافر والله لو ايه بالذي هيتاكل ـ بس هوا ايه اللي جاب الخنازير للفول والطعمية
و: يا عم فول ايه بس بس والله احسن اللي بيحصل ده
انا: ليه بقى
و: يعني نعمل ايه تحديد ومش نافع خلي الزيادة السكانية تخف شوية احنا هنجيبلكم منين
انا: اه ربنا يكون في العون ده انتم وراكم هم ما يتلم
د: مش عارف انتم مكبرين الموضوع ليه كله مقدر ومكتوب والأعمار بيد الله.
ـــ ــــ ــــــ ــــ ـــــ
للأسف الشديد لم نتمكن من اكمال جدول اعمال المؤتمر بسبب منع التجمعات خوفاً من انتقال العدوى وانتشارها
ـــــــــــــــــــــــــــــــــــــــــــ
يا ترى احنا عندنا فعلا ثقافة صحية ولا بيطلعوا في الأخبار بالكمامة يبقى الكمامة هي الحل
يا ترى احنا فعلا مهتمين بالموضوع ولا اهي جنازة ونشبع فيها لطم ولو مهتمين فين افعالنا او حتى اقتراحاتنا
11 قــالــوا... وسـمـعـونـي .:
إلحق دي التعليقات بتاعة البوست بتبقى فوق البوست مش تحته.... احم ده انا حطيت تعليق البوست ده في البوست اللي فات نياهاهاهاهاها
:)
ولا يهمك
ـ ـ ــ ـ
اما بالنسبة للبث الفضائي فالواد سمعة كان واقف بيصدح
فوق السطح
ـ ـ ـ ـ ـ
اما بالنسبة لبقية الحاجات فدي شكليات مهمة جدا بس المؤتمر الجاي وعليكي خير.
ـ ـ ـ ـ
الدعوة موجودة ب 8456852 جنيه فقط لا غير
انفلونزا خنازير على طيور على بني آدمين و لسة يا معلم
شكرا جزيلا على هذة المقالة الجميلة
شكراااااا لك .....مقالتك اكثر من رائعه
شكرا على المدونه الجميلة و بالتوفيق دائما
مدونه رائعه جدااا....شكرا لك
مشكور علي المدونه...كل التوفيق
السلام عليكم ورحمة الله وبركاته
جزاكم الله خيرا على هذا الموضوع الجميل
والله موضوع جميل ومشوق بارك الله فيكم ياشباب
يعطيك العافية
إرسال تعليق